終於知道阿yan嬲我同polly既原因係因為我地無哄返佢。

俾人哄就試得多，要我哄人都幾困難‧‧‧‧‧‧

而polly就話：「哄男仔就叻，哄女仔就唔識喇！」

一連幾日，我地成班sale都係到諗點哄返阿yan。

阿wing成日教我點去哄阿yan，又話知道好多內幕。

原來佢同Ivan傾過電話，明知我想聽，但又講d唔講d。

佢話最鍾意見到我心急個樣，好可愛~~~~！都唔知好嬲定好笑。

最後佢只係講左句：「Ivan叫我睇住你，唔好俾人蝦。」

心都甜了~~如果Ivan係到就好啦，我就唔使咁徬徨喇。

原來佢一直係到等緊個機會，就係阿yan打電話叫佢返來做。會有呢一日嗎？

阿yan返來後都係無笑過，之後就放我同阿俊食飯。

我見到佢拿左好多藥出來食，就問佢咩事？？

佢遲左好耐才答我一句：「無事」。

之後我就叫佢唔好嬲我啦！佢就話：「我最鍚就係你，你竟然咁對我。」

今日阿yan返到來，就黑起面同我講：

「你地既然唔鍾意我，我以後都唔會對你地好，做咩都會揸正來做。」

我啞口無言‧‧‧

呢兩日，大家都唔好受，都想盡辦法哄返佢。

當我食完飯，見到阿yan都有同d新人有講有笑。

直至臨收工時，阿wing走過來同我講話阿yan無事啦，肯同佢地講返野。

但我同polly就死梗‧‧‧我呆了？

點解？無人知道！

阿kin同我講阿yan話只係對住我同polly先黑面。

我真係唔明，我又無做錯，點解要嬲我呀？

又唔係我主張去唱k、又唔係我話唔想佢去、又唔係我呃佢。

我覺得好冤枉，好自然咁哭左出來。

放工後打電話俾polly傾，又激動得哭到收唔到聲。

polly不斷安慰我，佢話阿yan不嬲都係偏愛男仔架啦！

我唔服！！既然係咁再做落去都無意思啦！

就算第日嬲完，我心目中都有絛刺啦！

同polly傾完，張康就打電話俾我，又俾佢撞破我哭了。

對上一次係公司哭，佢又剛好來搵我。真巧~

佢又係咁哄返我開心，最後都俾佢d花言巧語哄到笑了。

幸好心情終於冷靜了落來，若果唔係返到去實嚇死屋企人。

琴晚超唔開心呀......

又係APM......點解呢排成日都聽到有關APM既事架？

都係因為個男仔，做咩同我講咁多APM既事wo~~

我唔識佢架......都唔知點解佢一入到來就同我講咁多野。

搞到我俾人罵......

唉~激死人喇！

今日返工，個個同事都話我個樣好死~

我都唔知呀~個魂魄都唔知去左邊~

阿yan話我下個月多數都返夜，因為阿kin同polly......

又要我教新人，教得唔好，我返早既日子重少。

來緊我又要學多好多野。

嘩~辛苦死人咩，好大壓力丫！

無端端改我更表，又負鐘喇!聽日都唔知收幾點？

聽日同阿kin返早，真係第一次！阿kin俾我更大壓力~

今日個個同事都唔知點解咁好興致落D。

阿俊話我去既話佢包晒~~~好想我去咩？

我真係唔想去丫，一D心情都無，你地原諒我啦！

我重要返早架，都係早D訓喇，希望訓得著......

好唔開心呀............

好煩呀..............

呀..........

愛情係咪如此經不起考驗？

好驚會在那一剎間失去了呢段感情。

幸而愛情輓回了，然而傷感猶在。

只要一想起，心痛既感覺依然痛不欲生。

時間真的可以沖淡一切嗎？這并不是必然既定律。

你可知道...我對你的愛係一生一世、刻骨銘心的。

當你選擇放棄我、放棄我們既感情時，你可有想起我？

你可有想起我的心？我的痛？我的難過？

你狠狠粉碎我既心，打破我既夢。

那一刻，有感天地萬物都與我無關‧‧‧‧‧‧

五個鐘頭後既一句：老婆！心頭又湧起一豉熱淚。

遙遠看見你既一刻‧‧‧很模糊‧‧‧

已經看不清面前既你同我們既未來。

‧‧‧‧‧‧我們會有未來嗎？你可曾想過？

我很怕、真係很怕‧‧‧我都怕自己會對你失去信心。

因為我怕你會有再次拋下我的一刻，我真係承受不了。

你會發誓你永遠只愛我一個，永遠都唔會拋下我嗎？

可惜‧‧‧我并唔相信承諾，希望越大失望越大 。

但係，有希望總比無希望來得好，不是嗎？

真係矛盾‧‧‧然而愛情一向都是沒有理性、肓目不堪的。

我會用我既愛來堅定對你的信心、堅固我們的感情、還有我們的未來。